ਐਨਰਜੀ ਸਰੰਕਸ਼ਨ ਬਿਲਡਿੰਗ ਕੋਡ ਬਾਰੇ ਜਾਗਰੂਕਤਾ ਪ੍ਰਦਰਸ਼ਨੀ ਅਤੇ ਵਰਕਸ਼ਾਪ ਦਾ ਆਯੋਜਨ

ਲੁਧਿਆਣਾ, - ਪੰਜਾਬ ਐਨਰਜੀ ਡਿਵੈਲਪਮੈਂਟ ਏਜੰਸੀ ਅਤੇ ਬਿਊਰੋ ਆਫ਼ ਐਨਰਜੀ ਵੱਲੋਂ ਉੱਪਰ ਗੁਰੂ ਨਾਨਕ ਦੇਵ ਇੰਜੀ: ਕਾਲਜ ਵਿਖੇ ਅੱਜ ਪ੍ਰਦਰਸ਼ਨੀ-ਕਮ-ਵਰਕਸ਼ਾਪ ਕਰਵਾਈ ਗਈ, ਜਿਸ ਦਾ ਉਦਘਾਟਨ ਡਿਪਟੀ ਕਮਿਸ਼ਨਰ ਸ੍ਰੀ ਪ੍ਰਦੀਪ ਕੁਮਾਰ ਅਗਰਵਾਲ ਨੇ ਕੀਤਾ। ਇਸ ਵਿੱਚ ਜ਼ਿਲ•ੇ ਦੇ ਪ੍ਰਮੁੱਖ ਆਰਕੀਟੈਕਟ, ਸਿਵਲ ਇੰਜ: ਅਤੇ ਬਿਲਡਿੰਗ ਮੈਟੀਰੀਅਲ ਦੇ ਮਾਹਿਰਾਂ ਨੇ ਸ਼ਿਰਕਤ ਕੀਤੀ।

ਇਸ ਦਾ ਮੁੱਖ ਮੰਤਵ ਪੰਜਾਬ ਵਿੱਚ ਲੋਕਾਂ ਨੂੰ ਐਨਰਜੀ ਸਰੰਕਸ਼ਨ ਬਿਲਡਿੰਗ ਕੋਡ ਬਾਰੇ ਜਾਗਰੂਕ ਕਰਨਾ ਹੈ। ਇਹ ਕੋਡ ਜੂਨ 2007 ਨੂੰ ਪੰਜਾਬ ਵਿੱਚ ਸਰਕਾਰ ਵੱਲੋਂ ਲਾਗੂ ਕੀਤਾ ਗਿਆ ਸੀ। ਜਿਸ ਦੇ ਮੰਤਵ ਵਿੱਚ ਇਹ ਵੀ ਸ਼ਾਮਿਲ ਹੈ ਕਿ ਅਗਰ ਉਹ ਲੋਕ ਆਪਣੇ ਘਰਾਂ ਵਿੱਚ, ਦਫਤਰਾਂ ਵਿੱਚ, ਵਿਦਿਅਕ ਅਦਾਰਿਆਂ ਅਤੇ ਇੰਡਸਟਰੀ ਵਿੱਚ ਇਸ ਸਕੀਮ ਨੂੰ ਲਾਗੂ ਕਰਦੇ ਹਨ ਤਾਂ ਉਹਨਾਂ ਦੀ 30-40 ਪ੍ਰਤੀਸ਼ਤ ਐਨਰਜੀ ਦੀ ਬੱਚਤ ਹੀ ਨਹੀਂ, ਸਗੋਂ ਬਿਲਡਿੰਗ ਦੀ ਮਜ਼ਬੂਤੀ ਵੀ ਇਸ ਨਾਲ ਵੱਧ ਸਕਦੀ ਹੈ।
ਇਹ ਕੋਡ 100 ਕਿਲੋਵਾਟ ਦੀ ਬਿਲਡਿੰਗ ਉਪਰ ਸਰਵੇ ਕਰਕੇ ਲਾਗੂ ਕੀਤਾ ਜਾਵੇਗਾ ਤਾਂ ਕਿ ਭਵਿੱਖ ਵਿੱਚ ਅਸੀਂ ਆਪਣੇ ਪ੍ਰਦੇਸ਼ ਦੇ ਵਾਤਾਵਰਨ ਨੂੰ ਚੰਗਾ ਬਣਾ ਸਕੀਏ ਅਤੇ ਵਧੀਆ ਐਨਰਜੀ ਦਾ ਉਤਪਾਦਨ ਕਰ ਸਕੀਏ। ਇਸ ਵਿੱਚ ਵੱਖੋ-ਵੱਖਰੀਆਂ ਜਗ•ਾਂ ਤੋਂ ਆਏ ਮਾਹਿਰਾਂ ਨੇ ਆਪਣੇ ਤਜ਼ਰਬੇ ਲੋਕਾਂ ਨਾਲ ਸਾਂਝੇ ਕੀਤੇ। ਇਸ ਮੌਕੇ ਵੱਖ ਵੱਖ ਕੰਪਨੀਆਂ ਵੱਲੋਂ ਆਪਣੇ ਸਟਾਲ ਵੀ ਲਗਾਏ ਗਏ। ਇਸ ਮੌਕੇ ਪੇਡਾ ਦੇ ਏ.ਜੀ.ਐਮ ਸ. ਬਲਕਾਰ ਸਿੰਘ ਨੇ ਪੇਡਾ ਵਿੱਚ ਐਨਰਜੀ ਕੋਡ ਉੱਪਰ ਕੀਤੇ ਜਾ ਰਹੇ ਉਪਰਾਲੇ ਬਾਰੇ ਸਭ ਨੂੰ ਜਾਣੂ ਕਰਵਾਇਆ। ਇਸ ਮੌਕੇ ਐਲ.ਐਨ ਟੀ, ਲਾਇਡ, ਸੈਂਟ ਗੋਬਿਨ, ਜੀ.ਐਨ.ਜੀ ਦੇ ਮਾਹਿਰਾਂ ਨੇ ਕੋਡ ਬਾਰੇ ਜਾਣਕਾਰੀ ਦਿੱਤੀ।